Sími    441 5000 - 840 2686 

Skuggar

Listaverk

Leikið með skugga

Leikur með ljós og liti

Leikið með skugga

Forsíðumynd 2

Forsíðumynd 1


Fréttir og tilkynningar

Innritun í grunnskóla Kópavogs - 10.2.2017

Innritun í grunnskóla Kópavogs fyrir skólaárið 2017 – 2018

Innritun 6 ára barna (fædd 2011) fer nú alfarið fram í gegnum íbúagátt á vef bæjarins https://ibuagatt.kopavogur.is

Opnað verður fyrir skráningu 1. mars 2017 og stendur hún til 8. mars.

Sömu daga fer fram innritun nemenda sem flytjast milli skólahverfa og þeirra sem flytja í Kópavog eða koma úr einkaskólum.

Haustið 2017 munu skólar hefjast með skólasetningardegi þriðjudaginn 22. ágúst. Nánari upplýsingar um skólabyrjun munu birtast á heimasíðum skólanna.

Sérstök athygli er vakin á því að umsóknarfrestur um heimild til að stunda nám í einkaskólum eða grunnskólum annarra sveitarfélaga er til 1. apríl og skal sækja um á íbúagátt Kópavogs. Sækja þarf um að nýju fyrir nemendur, sem nú eru í slíkum skólum, ef gert er ráð fyrir að þeir verði þar næsta vetur.

Menntasvið Kópavogsbæjar




Ólafur snjókarl - 27.1.2017

Í útiveru í morgun var alveg tilvalinn snjór til að búa til snjókarla og kerlingar. Hér var unnið markvisst og margir lögðu hönd á plóginn við að búa til hann Ólaf snjókarl og hann var sko ekki af minni gerðinni.

Það er svo sannarlega gaman þegar allir hjálpast að og fengu börnin banana úr eldhúsi í nef og fundu svo steina til að búa til augu og munn, og auðvitað fékk hann líka fötu og skóflu

Þorrablót - 26.1.2017

Í tilefni af þorranum þá héldum við þorrablót á bóndadaginn, börnin mættu í lopapeysum og bjuggu sér til kórónur. Starfsmenn mættu í einnig í lopapeysum og einhverjir í þjóðbúning. Boðið var uppá grjónagraut og þorrasmakk, börnin voru mjög áhugasöm þennan sérstaka mat. Stubbakórinn kom og söng fyrir yngstu börnin og álfadrottningin mætti og tók lagið.

Sumarlokun 2017 - 19.1.2017

Samkvæmt skoðunarkönnun meðal foreldra um sumarlokun 2017 var seinna tímabilið valið þ.e frá kl 13.00 föstudaginn 7.júlí til kl 13:00 þriðjudaginn 8.ágúst.

Næringarstefna Samtaka heilsuleikskóla - 6.1.2017

Samtök Heilsuskóla hafa gefið út sameiginlega næringarstefnu. Þessir skólar vinnar allir eftir Heilsustefnu Unnar Stefánsdóttur sem var frumkvöðull Heilsustefnunnar.

Hér fyrir neðan er hægt að sjá hana

naeringarstefnan


Fréttasafn


Atburðir framundan

Bolludagur 27.2.2017 - 28.2.2017

Bolludagurinn er mánudaginn 27. febrúar af því tilefni verður boðið upp á fiskibollur í hádeginu og rjómabollur í síðdegishressingu.

 

Sprengidagur 28.2.2017

Þriðjudaginn 28. febrúar er sprengidagur og að sjálfsögðu verður boðið upp á saltkjöt og baunir

 

Öskudagur 1.3.2017 - 2.3.2017

Í tilefni öskudags verður haldið grímu- náttfataball á Urðarhóli. Allir mega koma í búningum eða náttfötum. Haldið verður dansiball og kötturinn sleginn úr tunnunni.

 

Skipulagsdagur 21.3.2017 - 22.3.2017

Þriðjudaginn 21. mars verður skipulagsdagur í leikskólanum, þessi dagur er nýttur til foreldraviðtala, foreldrum verður boðið í viðtal hjá leikskólakennar.

 

Sumarlokun 7.7.2017 - 8.8.2017

Föstudaginn 7.júli kl 13:00 lokar leikskólinn v/ sumarleyfa og opnar aftur þriðjudaginn 8. ágúst kl 13:00.

 

Fleiri atburðir