Heilsuleikskólinn Urðarhóll

Á morgun eru 15 ár frá því Skólatröð var opnuð og þar með eru 15 ár frá upphafi heilsustefnunnar. Við ætlum að halda söngstund í Skólatröð og öll 5 ára börnin í Urðarhóli og Stubbaseli að fara í afmælisveislu kl 9 - 10. Unnur Stefánsdóttir fyrrverandi leikskólastjóri og Minna fyrrverandi matráður koma í heimsókn. Við óskum öllum í Skólatröð til hamingju með daginn.

Við minnum á að leikskólinn verður lokaður föstudaginn 20. ágúst vegna skipulagsdag kennara. Þennan dag munum við fara yfir starfáætlun skólans ásamt því að deildarnar skipuleggja vetrarstarfið.

Fyrsti skipulagsdagur fyrir þetta skólaár verður 20. ágúst, en dagsetningar skipulagsdaga skólaársins 2010 -2011 má sjá hér eða í dagatalinu á vefsíðunni.

Upp hefur komið villa í innheimtukerfi bæjarins sem gerir það að verkum að mörg nýskráð börn fá rangan greiðsluseðil. Villan er þess eðlis að það þarf að yfirfara hvern og einn seðil. Vinsamlegast farið yfir greiðsluseðilinn ykkar og athugið hvort hann sé réttur. Ef svo er ekki vinsamlegast hafið samband við leikskólastjóra í síma 570 0490 eða með tölvupósti Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. . Við biðjumst velvirðingar á þessu.

Laus er staða leikskólakennara í Heilsuleikskólanum Urðarhóli skólaárið 2010 – 2011. Við leitum eftir umsækjanda sem hefur áhuga á næringu, hreyfingu og listum.  Viðkomandi þarf að vera fær í mannlegum samskiptum, hraustur, stundvís og tilbúinn til að takast á við breytilegar aðstæður  í daglegu starfi. Áhugasamir hafi samband við stjórnendur með tölvupósti Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. eða í síma 570 0490 / 840 2686.