Sími    441 5000 - 840 2686 

Fréttir

Kársnesormurinn fluttur á Bókasafn Kópavogs

Börnin í Heilsuleikskólanum Urðarhóli gáfu Bókasafni Kópavogs Kársnesorminn sem þau gerðu í vetur.

11.7.2014

Börnin í Heilsuleikskólanum Urðarhóli gáfu Bókasafni KópavogsKársnesorminn sem þau gerðu í vetur.

Guðrún Björnsdóttir, deildarstjóri vann með þemaverkefnið Kársnesið sem nánasta umhverfi barnanna. Guðrún gróf upp heimildir um að Kórsnesormurinn sem átti heima í helli er hét Kór og var á Kársnesinu (talið var að Kársnesið hafi heitað Kórsnes í upphafi ). Kórsnesormurinn átti að hafa legið á gulli og bitið í sporðinn á sér.  Börnin veltu fyrir sér hvernig ormurinn hafi litið út. Hvort hann væri eins og dreki eða ormur. Eftir miklar vangaveltur fóru þau fóru í vettvangsferð þar sem þau fundu ýmiss ummerki eftir orminn.  Þegar komið var til baka var hafist handa við að finna efnivið til að skapa Kórsnesorminn.   Verkefnið tók nokkrar vikur og ber verkið þess merki að áhugi og virkni leyndi sér ekki hjá börnunum.  Við lok verksins var ákveðið að ormurinn héti Kársnesormur en ekki Kórsnesormur. Verkefnið var til sýnis á opnu húsi í Heilsuleikskólanum þann 12. maí sl. Það er okkur sönn ánægja að Bókasafn Kópavogs var til í að taka á móti verkinu og gefa því þar með lengri lífdaga. Við hvetjum bæjarbúa til að koma við á Bókasafni Kópavogs og lesa um Kársnesorminn og hugmyndir barnanna við gerð hans.