Sími    441 5000 - 840 2686 

Fréttir

Skipulagsdagur fimmtudaginn 5. nóvember

30.10.2015

Á fimmtudaginn, þann 5. nóvember verður næsti skipulagsdagur hjá okkur og verður því leikskólinn lokaður þann dag.

Við fáum til okkar hana Margréti Júlíu sem ætlar að kynna fyrir okkur vináttuverkefni sem verið er að innleiða í leikskólum Kópavogs og víðar. Starfsfólk notar einnig daginn við skráningar í heilsubækur og annað skipulag. Vináttu – verkefni Barnaheilla er forvarnarverkefni gegn einelti fyrir leikskóla. Efnið heitir á frummálinu Fri for mobberi og er þýtt, staðfært, framleitt og gefið út í samstarfi við Red barnet – Save the Children og Mary Fonden í Danmörku. Vinátta byggir á nýjustu rannsóknum á einelti og á ákveðinni hugmyndafræði og gildum sem skulu samofin öllu skólastarfinu auk raunhæfra verkefna fyrir nemendur, starfsfólk og foreldra. Vinna með Vináttu á íslenskum leikskólum hófst haustið 2014 og stefnt er að því að geta boðið öllum leikskólum landsins efnið til notkunar. Leikskólar sem vilja nota efnið þurfa að fara á námskeið til að fá leyfi til að nota það.