Vináttugangan.
Þann 7. nóvember tókum við á Urðarhóli þátt í sameiginlegri göngu gegn einelti ásamt öllum skólum á Kársnesinu. Gangan var haldin til að minna á mikilvægi virðingar, vináttu og samstöðu og að enginn eigi að standa einn.
Blær vináttubangsi var leynigestur í göngunni en hann minnti okkur á að góðvild og samkennd skipta máli alla daga. Við sungum saman vináttulög og enduðum á því að mynda stóra vináttukeðju.
Það er skemmtilegt að taka þátt í vináttugöngunni á hverju ári, eiga samræður við börnin um vináttu og mikilvægi þess að vera góður við alla sem á vegi okkar verða. Því eins og lagið "vinur minn" segir : Það er ótrúlegt hverju lítið bros, fengið getur breytt.