Urðarhóll 25 ára
Þann 17. nóvember sl. varð Urðarhóll 25 ára, stór áfangi í sögu leikskólans okkar! Við héldum upp á daginn að Urðarhólskum sið, með gleði og útiveru í fyrirrúmi. Börnin og starfsfólkið flögguðu úti í morgunsárið og sungu undir afmælissönginn. Það var yndislegt að sjá börnin taka þátt af áhuga og gleði – þau sungu af krafti og fögnuðu þessum merka áfanga.
Urðarhóll hefur í 25 ár verið athvarf fyrir leikgleði, lærdóm og hlýju. Við erum stolt af því að vera hluti af samfélagi sem leggur áherslu á öryggi, vináttu og sköpun. Við óskum öllum Hólurum, ungum sem öldnum, innilega til hamingju með daginn og hlökkum til að halda áfram að skapa fallegar minningar næstu árin!